🎈餃掂手工餃子雲吞專門店 (銅鑼灣)
🔍銅鑼灣景隆街19號地舖
-----
最近返工真係完全搞唔掂，所以收工就黎食呢一間令人正能量滿滿嘅「餃掂」，鍾意佢嘅原因除咗因為啲餃子之外，亦都係因為佢墻上成日貼住非常positive嘅字句，例如有「餃掂食碗麵」、「吃餃子過上好日子」等等，令人心情變得正面。
.
龍鳳松茸餃：
黑松露香氣十足嘅雙色松茸餃，總係令人百吃不厭，白松露味道相對淡啲，我鍾意加少少辣椒醬食。黑松露就較為濃郁，唔需要額外醬料已經好夠味。兩隻口味都好Juicy，浸泡落狀元九鼎湯入面，更係令本來就出色嘅餃子增添一份獨特嘅花生🥜香氣，令成件事變得更為特別。
.
四川涼麵：🥢
無論天氣凍定熱，都仲係令人忍唔住叫返碟四川涼麵，凍冰冰嘅面條，彈牙有致，好爽口冇乜鹼水味，撈埋烏麻醬同埋辣醬，非常開胃，冰涼透心嘅感覺令人非常舒適。
.
粟米豬肉餃：🥟
飽滿嘅粟米豬肉餃，外皮非常薄，淨係睇出面都見到一粒粒粟米幾乎爆破而出，好足料，食落豬肉味濃，同時不失粟米香甜，高質。
.
蜜餞雞翼：🍴
甜蜜蜜嘅蜜餞雞翼，一咬就輕易離骨，肉質柔嫩，蜜味香濃，之前偶爾食過水準不穩定時候，會太鹹，好彩今日冇，無挑剔。
.
麻辣豬肉餃🌶️
好多地方嘅麻辣豬肉餃都只係將豬肉餃浸泡落麻辣湯入面，呢度嘅麻辣豬肉餃就唔同，係連餃子嘅本身都有加入麻辣調料，食落有少少芫荽香氣，辣而不嗆喉，令人不自覺一隻接一隻，惹味非常。
Search